Video Discription |
Watin be the difference between the ROM and the RAM?
Every time when person won buy new smart phone, one of the most important thing when them dey look for na the size of the ROM and the RAM.
So, if you look the carton of most Android phones like Tecno, Infinix, Oppo, and Redmi, you go see the ROM and RAM storage capacity for the body. So watin be this ROM and RAM, and which storage capacity be the correct one for you in case you won buy new smart phone.
If we start to explain an just like that, e go dey a bit confusing. you Know, ROM RAM ROM RAM ROM RAM, We go confuse and we no go know which one be which one. Make we say, the ROM na the ROM, while the RAM na "goat." I mean, you know that goat when him horn dey twisted. shey na him be RAM? So for today video, while the ROM go remain ROM, we go assume say the RAM na goat.
Before I answer the question, make I clear something. Both the ROM and the RAM na Storage spaces. E mean say them be memory card when dey inside the phone. The difference be say you fit remove memory card from phone, but you no fit remove the ROM and RAM from phone. Because them dey inside the phone and them be part of the phone.
The ROM in particular dey save all the files when dey the phone, So, music, videos, pictures applications and even games dey save inside the ROM. Since the ROM dey hold the files when dey the phone, him size dey big pass the RAM own.
So you go see 16GB ROM, 32GB ROM, 64GB ROM and 128GB ROM. The higher the ROM space, the more e fit collect more videos, music and pictures. The good thing about the ROM be say e no need electric current to work. So, even if the battery of the phone die, e no go lose the file when dey inside am. As you put battery back and on the phone, you go still see the file when be dey inside.
ROM space dey stable, e no dey loose him files easily except you delete, the file or you format the ROM memory. But the problem be say ROM dey very slow. E no dey quick release him files.
Imagine say you open any game for your phone, for example fruit ninja, e go take the ROM long time to load the game data to the phone CPU. E mean say you go wait for a long time before the game go open.
If to open just one game from the ROM dey take time, then if you open another app, e go slow the phone down. by the time you back to the fruit ninja game, when you first open, e go start to load from beginning. E no go start from where you been play the game reach. So the ROM no fit multitask. Because anytime you open new app, the previous app when you open go completely close. So, for phone to multitask and run fast, e go need another storage space. And na watin make phones dey get RAM storage space be that.
Unlike the ROM, RAM dey very fast and e no dey quick close the information when him hold. If the CPU open application through the RAM (goat), and then close the application and open another on, the RAM no go end the first application. So, when you come back to the first application, e go dey just the way you leave am.
For example, you open Vector game for you phone and when you don tire to play am, you come open Homescapes (game), if you go back to the Vector game when you first open, e go dey exactly how you leave am. The reason na because the RAM of the phone no close the game.
But if na the ROM dey store the applications, games and medial files, how come when the RAM take get access to the app, instead of the ROM?
For Android phones, anytime you tap on any app or game for you phone, the ROM go transfer the data of the app to the RAM. The reason na because the RAM go fit transfer these data to the CPU faster. This one dey reduce the app loading time.
But If the RAM dey fast pas the ROM, why dem no just turn all the ROM space to RAM and make am one big storage space, then stop to use ROM?
For now, e no dey possible because RAM need electric current to work. Once your battery low and the phone off, all the things when the RAM store go lost. Na im make if your battery low and the phone off when you dey play game, if you charge the phone and on am, the game no go continue from where e been stop. Because when the phone off and the RAM no get supply of current from the battery, e don lose the data of the game when you been dey play.
The same thing go still happen if you end all the background app. background app data when the RAM dey same incase e need them again. If you end them, the RAM go delete them. When you open these apps again, the RAM go collect their data from the ROM and temporarily save them again.
Now imagine say all you pictures, videos, music, apps and game dey inside this kind of memory, every time you turn your phone on, all you files don go. So, we need the ROM to store our files and apps permanently, while we also need the RAM to collect these apps data from the ROM, save am temporarily and quickly supply the CPU any of these data when e need.
Watch the video till the end for the complete explanation. Remember to subscribe and share. |