《Good Night Show 全民造星》30強參賽者晉級20強片段(Team A 同 Team 組導師火力全開炮轟大會,大熱 Anson Lo 被淘汰經典片段)
Hellow guys, Welcome to my website, and you are watching 《Good Night Show 全民造星》30強參賽者晉級20強片段(Team A 同 Team 組導師火力全開炮轟大會,大熱 Anson Lo 被淘汰經典片段). and this vIdeo is uploaded by 羅家民先生 Jacky Lo 惡搞王 at 2022-10-22T01:06:14-07:00. We are pramote this video only for entertainment and educational perpose only. So, I hop you like our website.
Info About This Video
Name |
《Good Night Show 全民造星》30強參賽者晉級20強片段(Team A 同 Team 組導師火力全開炮轟大會,大熱 Anson Lo 被淘汰經典片段) |
Video Uploader |
Video From 羅家民先生 Jacky Lo 惡搞王 |
Upload Date |
This Video Uploaded At 22-10-2022 08:06:14 |
Video Discription |
全民造星1 30強進行20強5大看點:
1. 大熱 Anson Lo(盧瀚霆) 被淘汰
2. 其它 Mirror 成員 Frankie(陳瑞輝)、 Tiger (邱傲然)及 Alton (王智德)也在這集被淘汰
3. Error 成員 阿Dee(何啟華)被淘汰
4. A 組 同 B 組導師火力全開炮轟大會
5. Jer(柳應廷)由A 組 被調去 B 組
(A 組 同 B 組導師火力全開炮轟大會)
其實在20強結果正式宣布之前發生過一段小插曲,卓韻芝、郭偉亮和側田等一班B組導師覺得至少有7名學員值得留低,所以希望與劉美君、火火等A組導師商討能否調整淘汰人數。雖然大會便擔心再一次更改賽制會令觀眾感覺《全民造星》兒戲,但因為B組不乏可造之材所以考慮讓步。
當劉美君感覺到大會有此傾向時,即火力全開炮轟大會,指如果情形發生在A組,大會必定果斷否決:「而家你哋直情兒戲啦,個個都偏幫B組,我唔想講嘅,我到而家先出聲,係因為你哋由頭到尾都冇睇好A組。我好心痛,所以我好畀心機教佢哋,火火都都畀心機教,就係知佢哋冇天分,死教爛教,贏到出嚟,亦都係公平贏架喎,係咪先?我而家面都紅晒,真係火滾。你哋個個都係幫B組,因為佢哋個個都有天資。」最後大會、導師取得共識,鐵定B組Foul走10位學員。
(20強名單)
A 組:
1 邱士縉 Stanley
4 范浩賢 Neal
11 王雍泰 龍志權
18 鄧禮迪 迪迪仔
20 李駿杰 Jeremy
23 江𤒹生 Anson
40 應智越 細貓
49 謝家俊 OT
58 吳保錡 保錡
63 呂爵安 Edan
B 組:
10 柳應廷 Jer 原A隊成員
21 管鋈 管鋈 原A隊成員
32 陳卓賢 Ian
34 楊樂文 Lokman
43 黃鍵安 里奧仔 原A隊成員
45 梁業 肥仔
53 張匡佑 Jason 原A隊成員
85 羅啟聰 狗毛
93 彭嘉桓 Moley 原A隊成員
99 姜濤 姜濤
「全城盡興,全民造星,就算跳得起勁,要有甜美歌聲,《全民造星》!」(《殘酷一丁》首歌》)
大概就概括咗《全民造星I》30強進20強的結果。跳舞勁無q用,唱歌double count,要小心不要走音。火火話:「唔係要跳舞機器」。雖然某程度上係啱嘅。
今回合,花姐話:「你哋唔駛自己諗表演喇,我哋會安排俾你。排舞講明先,係難咖,要練咖。」呢個做法,導致對唔同參賽者同個表演都有唔少衝擊。
上一回,係可以用好多創意再加電視台同導師support去做個表演,自己在歌入面加嘢,mix,改編,戲劇,乜都得。做得衰就似學生演出,做得好的就係上得台,有gimmick,有爆點的表演。疆屍組,肥仔兵團,dee gor 劇社,就係咁應聲爆出,好睇到癲。有創意的人,好出位,好有發揮,加好多分。
但set 死一定要唱歌同跳舞,分開做,就真係考實力(不過最後 turnout又唔係)。好難話點樣出位,加自己嘢落去,尤其唱歌那部分
唱歌來講,似個啲慈善 show咁一人一句。你得一句,跟住幾句合唱,個句唱得好或不好,加加埋埋,就係整體質素。
要做咩,就要睇老師安排成點。劉美君講得好,其實老師係幫佢哋包住啲缺點,唱得唔好就但求唔好走音,獨唱練都係練幾句啫,跟住合唱 harmonize 就ok。然後就睇即場,一句穩陣就穩陣,唔穩陣就 bye. 例如B3,啲人 talented但5個有2個唱歌麻麻,和音係好易走;A3就唔搞咁多嘢,求穩陣,Ellen係讚喎。其實我覺得好怪,獨唱點解俾肥仔、lokman獨唱先,應該搵個穩陣嘅先開口,如阿神,9毛。
結論係今舖評判要穩陣,首先成隊唔好有人炒咗自己嗰句先,然後合唱就要harmonize。好似A3好多個唱歌麻麻,里奧仔、stanley、管鍫等等,但合唱聽唔到有人突出嚟,穩陣完成。B3有Ian、狗毛,唱歌勁,大輝都唔錯,但lokman突聲。佢唔係走,係突聲,呢啲就好唔和諧,所以明明其他人技巧較高評判都唔 like.
跳舞當然係talent行先,睇排舞老師俾咩你,其實出去學過跳舞,就知叻嘅排舞師,面對唔識跳舞嘅人,係識編易跳嘅舞俾人跳,爆炸頭軍團就係咁(雖然都要佢哋練落7啦),教佢哋點跳相對易step又好睇。
至於 dance battle,我心諗唔係fa普通人點玩。自己去練過,發覺好難。一係自信問題,怕別人睇到覺得核突,大家圍埋cypher唔敢跳。二係食beat。真係出去 battle,播首歌可能係從來無聽過,但就要即場聽住首歌 improvise,導致好多嘢食唔準。所以老師強調,要聽歌聽歌聽歌,第三當然係technique。即席嘢係靠平時練得多。
但《全民造星》個 battle係易啲嘅,一來首歌一早有,可練定幾個8,唔駛真係improvise。二來,啲歌係本來首歌中間打段 dance break,編到易跳,無咁多個層次嘅音樂同咁多其他嘅音要去食要去捉,只係一路repeat住底 beat,所以係比起街外真係 battle易跳好多。
跳舞邊隊叻就好明顯,最大爭議係龍志權點解攀大個口跳埋啲鬼步會贏。我又咁諗,佢做啲嘢係 match 到首歌同 entertaining,明知硬碰不會贏就搏下創意取勝,佢真係好聰明。本身set piece 就驚放唔到創意落去,點知 dance battle都俾佢攝到,好嘢。啲誇張面部表情又係另一個創意位,重成隊都係咁做,成程有戲交。
Jason 大家覺得佢跳得好 wei,但佢musicality真係好好,雖然無 foundation啲動作各樣並不到家,但你叫佢完全食晒入個beat度。好多時出去跳 battle掛住自己要玩咩花樣,然後甩咗beat,係捨本逐末。所以老師話,其實好多落pub un 的鬼佬,唔識跳舞,但 groove好好,就係咁解。其實 Jason 係幾有天分。
其實我幾欣賞有幾隊,individual 出去前teammate 會同佢form pattern再彈出來,anson lo/姜濤又好,jeremy/龍志權又好,Stanley 跨過隊友彈出去都好;但反而平時 battle 開嘅肥仔、dee gor、lokman 等係無夾嘅,因為平時battle 開無呢啲嘢,其實咁係無咁好睇。好似我睇安室奈美惠演唱會咁,通常介紹 dancer係逐個 solo,但佢哋solo 得嚟都有 pattern 同 teamwork,係我其他演唱會未見過的,幾 impressed。
battle另一個好睇地方係俾反應。即係人哋跳完你有啲鄙視嘅動作,或者好似姜濤咁過去挑釁人。
dancer 組別來講,lokman/肥仔最好。畢竟姨姨細個學跳舞,lokman 已經係 locking 界 top 咖喇,佢嘅經驗同實力當然勁超多。
至於A1B1,睇番,唱歌同battle都係A1贏,B1贏齊舞,咁無計所以A1贏(有我心愛的anson lo 都係咁話)。
A2B2呢,歌就 Eric Kwok 話齋,一組一首,齊舞同 battle都係B2贏,所以大家覺得B2輸得好慘。唯一係A2知道自己跳舞唔得,爆炸頭concept一路用到落battle,叫做連貫性強同團體性強,希望咁樣補足番technique嘅不足。
至於yim k 話,佢同阿神明明練得好辛苦乜乜乜,我覺得佢兩位真係好勁,無基礎嘅人跟到重要跳出嚟同professional dancer比睇唔出係有好大差別,唔覺得突兀肯定係下咗好大苦功。你睇 stanley 個組啲齊舞(帶帽格仔那隊),係stanley 一個突出嚟其他完全唔得。ting ho跳舞都型咗。
都係監製的錯。佢話「啲舞係難,要練」。佢哋努力練完,點知又比龍志權創意擊倒。所以我明呀,上一round Dee gor、肥仔勁有創意喇,輸。今round 喪練喇,又輸。但評判每round唔同,真係無得講。
去到 foul 人,呀,好慘,好愁。
好鍾意花姐講嗰句:「其他電視台嘅比賽一定要安排1比1,跟住第三局決勝負。我而家明喇,而家好啦,懶公平,2比0,咁點收科你話」
見到佢喊心都碎埋。搞真人show搞到玩埋自己嘅監製。連佢都喊埋一份。最勁真人 show 監製真係佢。
啲人又批評話玩煽情催淚。大佬呀,真人show係咁,你估港姐咩,落選出來跳舞黑面都唔得。人哋監製玩埋自己呀。
跟住b組提出可唔可以foul少2個,我明火火係躁嘅: 「你不嬲偏心b組!如果係我哋a組輸咗你會唔會咁講呀? 你實會話賽制係咁冇得改」
之後花姐啲辯解係咁:
大濟哥:全靠你囉,成日係佢哋面前話鍾意B組多啲,等佢哋咁發奮
花姐:我唔係鍾意B組多啲,係B組有我鍾意嘅人啫。你鍾意嘅人係邊組?
大濟哥:…我鍾意B組啲 talent多啲……
花姐:咪係囉,你哋成日話我偏心,只係我會講出嚟,唔係呢啲咁虛偽
其實A組啲人揀成咁都係A組老師的問題…吧。事實上b組男生是比較有人氣同受歡迎(明明個陣啲人鬧緊 卓韻芝亂咁入人),所以成日話贏輸唔係呢度決勝負。
講番foul人,我會揀 姜濤、肥仔、Ian、dee gor、lokman/Anson Lo.
狗毛……我覺得佢都出過道,大概都係咁上下,再去不如俾啲位其他人試下。lokman 同 anson lo 都係靚仔跳得,各花入各眼啦。
dee gor 係好talented,不過唔係唱歌,所以蝕咗。
如果a組foul 10個係咪會易啲呢?
A組我覺得 ok 係 Jer、Anson Kong、細貓、龍志權、Jeremy 同 Jason 6個,其他 bye bye。
但 B 組呢,Anson Lo、姜濤、嚴褀、肥仔、Dee Gor、 Ian、Lokman、狗毛都ok,唔怪得咁苦惱。
賽制係白痴嘅,3:0就梗係foul10個,但2:1,係咪應該2隊贏個foul3個,輸個隊foul7個呀。結果係下round啲a組魚腩過咗b team 完全夾唔到投入唔到……咁都唔好睇啦。
如果真係 15打10係好睇啲,不過賽制改來改去真係電視台玩晒。
學員短評:
細貓 — 段 dance battle solo好型,真係好韓仔!佢係個格食咗入去隻舞,唔係齋跳咁簡單,係好星嘅個下。果然係《偶像練習生》參賽者。
Ting Ho — 估唔到跳舞都 ok,雖然 details 無執,但大體ok,有幾下型到。
Alton — 齊舞搶到 fo,跳得超好。重要整齊腳喎。其實平時係 dancer,整親就抖下,就算無練到嗰幾下,出來都會很不錯。對Alton 有番好感,我都幾鍾意呢隻男仔。
Anson Lo — 入唔到20強我心都碎埋!不過睇番段battle,technique 係唔夠anson kong 好嘅…不過咩係偶像呢,就係明明有人做得好過佢,你都係痴痴迷迷咁鍾意佢,呢啲未偶像囉!
姜濤 — 唔記得入…太過分。o靚仔真係唔定唔夠認真。然後佢段battle,真係耍帥,都唔prep下 都係嗰句,偶像就係咁,放下電就收工,萬人愛戴。
龍志權 — 創意無限,咩位都攝到創意入去,勁。
阿神 — 唱歌真係幾好,同yim k 練跳舞練到咁強,真犀利。好有heart的溫文男士。
嚴褀 — 又唱得又talk得又跳得,越來越欣賞。
肥仔 — set piece 俾啲咁有創意嘅人反而係唔突出。係battle型番。
dee gor — 今round 比併嘅嘢除咗 battle 外係埋沒咗佢嘅。
Stanley — 在組中太突出,完全唔夾。
Jason — 估唔到battle都得。
Ian — 唱歌真係好好聽。
Lokman — 唱歌突聲,跳舞梗係勁。
狗毛 — 永遠好突出哋睇到佢,但又唔覺有咩表現。
Tiger — 唱歌真係麻麻,但拉丁 battle好得。
最後,感動一刻當然係 Ellen。佢個樣好蒼白,好病。Ellen 真係講得好好,好感動,眼濕濕。(等 Eric Kwok 重係咁話:『贏咗啦!贏咗啦』)
佢好鄭重對住肥仔話:「我同林二汶剛剛入行,林二汶同你磅數應該差唔多。去商場唱歌,有fans大嗌『豬排!』我哋話:『多謝』,然後繼續唱。我希望你真係可以入行,做歌手、做明星、跳舞。」原來呢番說話係佢離世前一晚講呢個世界,除咗死肥仔,還有可愛嘅肥仔。 |
Category |
Entertainment |
Tags |
Entertainment Download MP4 | Entertainment Download MP3 | Entertainment Download MP4 360p | Entertainment Download MP4 480p | Entertainment Download MP4 720p | Entertainment Download MP4 1080p |
More Videos